Moon Chasers [On-Going/Slow Update]

Isang babaeng doktor na nasa isang medical mission sa isang lugar na malayo sa kabihasnan. Nang matapos sa mga gawain nang araw na iyon, napagpasyahan niyang mamasyal na muna. She is a certified nature lover kaya naman nang makakita ng isang trail papasok ng gubat ay walang pag-aalinlangan niyang pinasok iyon.

Habang natutuwa sa kapayapaan ng paligid, naalarma siya nang makarinig ng isang iyak.

Hinanap niya ang umiiyak hanggang sa matagpuan niya ang isang batang tantiya niya'y nasa anim na taong gulang na nasa madamong parte ng gubat. Nagulat siya sa itsura nito.

Puro galos ito sa mga braso. At may isang malaking kahoy na nakadagan dito.

Gulat na dali-dali niya itong nilapitan at tinulungan. Ginamot niya ang sugat nito at tinanong kung tagasaan ito. Nagulat siya nang ituro nito ang gubat.

Wala sana siyang balak na lumayo at nais niyang hanggang bungad lamang ng gubat ang kanyang papasyalan upang madali siyang makakauwi ngunit hindi naman niya kayang hayaan na lamang ang bata. Nakakakonsensya kapag hinayaan niya itong umuwing mag-isa sa ganoong kalagayan. Kaya napagpasyahan niyang ihatid na ito sa kanyang mga magulang.

Tantiya niya'y nasa gitna na sila ng gubat nang makakita siya ng mga mumunting bahay. Gawa ang mga ito sa pawid at kawayan. Hindi niya alam na may mga naninirahan pala doon.

Saglit siyang napahinto nang makarating sa harap ng isang mas malaking bahay. Gawa ito sa bato. At mas moderno.

Napansin niyang naglabasan ang mga tao at lahat ng ito'y kakaiba ang tingin sa kanya. Tinanong niya ang bata kung saang bahay ito nakatira. Nakita niyang itinuro nito ang malaking bahay. Nakilala niya doon ang ina ng bata at isang lalaking tinawag nitong Beta.

Nang masigurong ayos naman na ang bata sa piling ng ina nito, tumalikod na siya para umalis.

"Tigil.", ani isang tinig na nakapagpahinto sa kanya.

Pagharap niya dito ay isang guwapong lalaki ang kanyang nakita.

"Mate."

ON-GOING | SLOW UPDATE
© MadamLove
Vote | Comment | Share
Aug10,2018-