[Under Editing - TEMPORARILY ON HOLD] The Reincarnation of Legendary Princess

IMMORTALLIA DUOLOGY BOOK 1

Si Alunsina Fabon ay isang pangkaraniwang mag-aaral subalit nagbago ang lahat noong sumapit ang kanyang ika-labing walong taong kaarawan. Isang hindi pangkaraniwang pagbabago mula sa kaniyang katawan ang naganap sa kanyang kaarawan na nagpagulat sa kaniya.

Nakaramdam siya ng kakaibang enerhiya sa kanyang katawan na nagpupumilit lumabas hanggang sa ito'y tuluyan na ngang lumabas. Napansin niyang unti-unti siyang uma-angat sa ere at nagsimulang lumiwanag ang kanyang katawan na naging dahilan upang siya ay mapapikit ng mata.

Nang mapansin niyang nakatayo na muli siya sa sahig ay nagmulat siya ng mata. Tiningnan niya ang kaniyang kinatatayuan upang matiyak kung hindi na siya nakalutang sa ere. Iniyuko niya ang kanyang ulo at nakita niya ngang nakatayo na siya sa sahig. Sa pagyuko niyang iyon, nalaglag ang ilang hibla ng kaniyang buhok at napansin niyang nag-iba ito ng kulay.

Dali-dali siyang tumakbo sa palikuran upang tingnan ang kaniyang sarili sa harap ng medyo may kalakihan nilag salamin. Nagulat siya nang makita mula sa salamin ang kanyang sarili na may kulay pilak na buhok at humaba ito lagpas sa kanyang puwitan. Napansin niya rin ang kaniyang mata na kulay pilak at ang kanyang kutis ay pumuti.

Tinapik-tapik niya ang kaniyang dalawang pisnge sa pag-aakalang ito'y isang panaginip lamang. Subalit nasaktan lamang siya at nagulat sa isang tinig na bigla niyang narinig.

"Hindi isang panaginip ang nangyari sa 'yo, aking prinsesa," Ani ng tinig ng isang lalaki.

STARTED: 2018
ENDED: 2019
EDITING STARTED: 2022