غربة روح

دنيا غريبه بديناها بدموع
وعشناها بضحك وفرح وحزن وقهر
وكعده صبح ولمه اهل وسهرة سمر
ونهيناها بغربه لكن موغربه وطن
ولا غربه بيت غربه اصعب واقسى من
كل انواع الغرب وكل انواع التهجير
تهجير نفسي تهجير روحي
تحس نفسك بوسط اهلك وناسك
بس مو هو هذا المكان المنتميله
مو هاي الضحكه الي بوجهك
ولا هاي اللمه المتعود عليها
جسمك موغريب عن كل هاي
الاماكن ولا هاي الناس
المحاوطتك بس روحك
هي الي صارت غريبه
غريبه حتى على جسمك
روحك تبجي وجسمك يضحك
روحك تموت بس جسمك
عايش لحضاته بكل تفاصيلها
هنا حتتوضح الرؤيا وتبين
الحقائق ...
حقيقه ان جسمك مدا يعيش الغربه
بس روحك هي الي دا تعيشها
وهنا حيكون عنوان حياتك
هي ..

"غربة روح"

الكاتبه:-Nabá baqer