Dear Crush (Update)

Katulad sa ibang cliché na istorya, palihim na humahanga ang ating bida sa pinaka-gwapong nilalang sa campus nila. Paano naman hindi ililihim ni Cassandra ang pagtingin, kung maraming palaka ang nakapalibot sa kanyang Prince Charming.

Wala siyang balak magpakilala kay Bambam. Ang plano niya ay itago na lang ang nararamdaman habang-buhay, kahit hanggang kamatayan kung maaari. Hindi niya kayang kausapin 'yung tao, at alam din naman niyang wala siyang pag-asa. Marami man siyang gustong sabihin sa taong hinahangaan, ni hindi niya nga magawang lapitan... kausapin pa kaya.

Dahil doon, isinulat niya na lang ang lahat ng pagsintang pururot sa isang kwaderno. Pero paano kung isang araw ay mapunta ang kwadernong ito sa mga kamay ni crush? Tuluyan na ba siyang mabubuko? Tapos na ba agad ang kwento, kahit halos nagsisimula pa lang? O baka puwede pa naman siyang makalusot, at may ibang kuwento ang masimulan?