Inutusan Ako ni Paps Bumili ng Itlog

Nayanig ang mundo ni Crisostomo Molino III aka Tres nang isang maalinsangang katanghalia'y utusan siya ng kanyang ama na bumili ng itlog sa tindahan bilang handa sa kaarawan ng butihing esposo nito. Naghihimutok dahil sa nawawala niyang underwear, hindi na niya napansin na may sumusunod sa kanyang kalalakihan, na kinalaunan ay piniringan siya't dinakip. Binitbit siya ng mga ito sa isang abandonadong gusali, at doon ay nakadaupang-palad niya ang iba pang mga tao na dinukot din ng sindikatong iyon. Bakas sa mukha ng mga ito na hinihintay na lamang nila ang araw na sila ang mapipiling chop-chopin at ibenta ang mga laman-loob sa mayayamang nangangailangan. Tanging ang ating bida lamang ang may kalooban upang ipaglaban ang kanyang buhay.

At dahil ginalingan niya, siya'y nagtagumpay. Oops, hindi pala isang tagumpay na maituturing ang kanyang nakamit, sapagkat sa pagbukas ng pinto patungo sa kalayaan ay lalo lamang siyang nakulong sa sitwasyong talaga namang nakamamatay.

Magiging boyfriend niya ang siraulong mangangatay-tao.

Ang tanong, mangyayari ba ang lahat ng ito kung hindi siya inutusan ng kanyang ama na bumili ng itlog?

At ang mas malaking tanong, kaninong itlog ang pinakamalalamog?