Dalaw

Nagtataka lang ako kung bakit ko sya laging nakikita.

Dalawang pares ng mga kayumangging mga matang tahasang tumititig sa akin.

Kapag naglalakad ako.

Kapag kumakain ako sa Cafeteria.

Kapag nagbabasa ako ng libro sa library.

Kapag papunta ako ng C.R.

Kapag gumagawa ako ng assignment sa Student Center.

At lahat ng ito ay nangyayari lang kapag nag iisa ako.

At lalong lalo na kapag may dalaw ako.

Mens.

Regla.

Red Flag.

Red Alert.

Amoy Bagoong na naman.

Malansa.

Whisper with wings time.

Lagi ko syang nakikita na nakatingin sa akin na tila alam nya na may dalaw ako.

Sobrang hiya talaga ang inaabot ko kada titingin sya sa akin ng ganoon.

As a Girl, kapag meron ka, sobrang di komportable ang nararamdaman mo.

Yung tipong kung anu anong papasok sa utak mo.

Kung natagusan ka ba?

Kung sapat ba yung dala mong napkin?

May dala ka bang napkin?

Halata ba na meron ka?

Yan lahat ng mga pumapasok sa isip ko pero nakayanan ko naman na yan na masagot eh.

Pero may isang tanong lang yung di ko masagot sagot.

Bat ganun sya makatingin?

At ganun lang ang tingin nya sa akin kapag nagkakaroon ako.