بين ليالي العشق(الجزء الاول من سلسلة اقدار متشابكة)

***
وقفت امامهم بكل قوة وصاحت بهم قائلة:
-"كفاية بقا..لأمتى هفضل ساكتة واسمع كلامكم الفاضى ده وانفذه؟انا مش عبدة لحد فيكم علشان تبيعوا وتشتروا فيا بالشكل ده..فين عشق دى من 23 سنة فاتو..ولا نسيتوا انكم رمتوها لشوية كلاب ومش مرة واحدة دول مرتين..وعوزين ترمونى للمرة التالتة كمان"
وبدون سابق انذار هوت يده القوية على وجهها بلطمة جعلتها تسقط ارضا وسط شهقات باقى الموجودين
اما هو فأنحنى ارضا وجذب شعرها صائحا بها:
-"قسما عظما يا عشق لأكون مربيكى من اول وجديد مش كفاية فضحتينى مرتين كمان عوزة تفضحينى التالتة"
ثم اجبرها على الوقوف وهو يدفعها نحو الطابق العلوى صائحا:
-"غصب عنك هتتجوزي النهاردة واقسم بالله لو فتحتى بقك بكلمة كمان لأكون طارد بنت السجون دى من هنا"
***