Silent Love

How to love a mute person? Is it the same with person who have completely sense? Struggles and conflicts may occur when you're around her. Would you still love her?

Paano nga bang mahalin ang taong hindi nakakapagsalita? Wala siyang kakayahang isatinig ang kaniyang nais sabihin. Hindi niya maipaglaban ang sarili niya sa mga nanlalait sa kaniya. Tahimik siyang tao, kumbaga boring kasama. Hindi siya mahilig pumansin sa mga taong nakakapagsalita dahil sa hindi siya komportableng makipag-usap na gamit ang mga bibig.

Palagi niyang ipinaparating ang kaniyang nais sabihin sa tulong ng pagsusulat sa papel o sa medyo kalakihang white board na dala-dala niya palagi. Nakakainip ang pakikipag-usap sa kaniya. Tipid lang ang mga salitang isinusulat nito.

May pag-asa bang ang isang taong hindi nakakapagsalita ay makahanap ng pag-ibig? Tunay ba na pag-ibig? O pag-ibig na magbibigay lang ng direksyon sa kaniyang buhay? Mahirap umibig sa taong hindi nakakapagsalita. Hindi mo maririnig ang mga salitang nais mong marinig sa tuwing sasabihan mo siya ng matatamis na salita. Hindi mo maririnig na tinatawag niya ang pangalan mo. Kahit ang tinig niya na inaasam mong mapagkinggan. At higit sa lahat, hindi mo maririnig ang pinakamahalagang salita sa buong mundo.

"I love you."