'Di Naman Tayo Close...Eh [ONESHOT]

“Nagka-girlfriend ka na?” Your question caught me off-guard, but I still answered honestly.

“Isang beses. Fling.”

“A, ‘di ka pa nagseseryoso…” patango-tango mong sabi, your voice trailing. Akala ko tapos ka na sa mga awkward mong tanong – hindi pa pala. “So, kelan mo balak?”

Tinawanan kita dahil nakakatawa ka naman talaga. Sino ka ba para tanungin ako no’n? Pero alam mo sa totoo lang, na-intimidate din talaga ako sa’yo at sa tanong mo. Wala rin kasi akong seryosong maisasagot dahil hindi ko rin alam sa sarili ko. Kaya naman siguro gano’n na lang ang nasabi ko sa’yo, “Gusto mo ngayon na? Try ko sa’yo.” I slightly grinned at my own joke, pero tumahimik ka lang at parehong nawala ang ngiti sa mga labi at sa mga mata mo. Mukhang ‘di ka natuwa sa sinabi ko. Sorry.

“Sorry.” ‘Yon lang ang binitiwan kong salita para sa’yo, dahil ‘yon lang naman talaga ang nasa isip ko. Tinapik-tapik mo lang ako sa balikat at sinabing, “Magbagong-buhay ka na, please. Baka makasakit ka pa, e.” Pagkatapos no’n, umalis ka na at iniwan mo ko do’n nang nakatanga.

For the first time, nakaramdam ako ng gano’ng klase ng hiya. I also felt adequately lonely. Sa’yo pa talaga kasi nanggaling e. Hindi naman tayo close, a? Nonetheless, it was something interesting to me. Know that I’d never forget it.

Do’n nga kasi siguro nagsimula ang lahat.

------
Disclaimer: The author is not affiliated to any of the idols used as characters in the story. This thread is non-profit and merely for entertainment purposes.
Copyright © 2014 by amusingmurdermachine