Not Your Damsel in Distress

Bakit ba gustong gusto ng ibang babae na lagi silang nagmumukhang mahina? Bakit lagi nilang pinapakita na hindi nila kaya? Dahil ba nag-aakala sila na dahil sa pagiging mahina nila darating ang isang lalaki na magsisilbing prinsipe nila at ililigtas sila? Ano sila, damsel in distress na kailangang iligtas ng prince charming? Ewan ko ba pero kahit kailan hindi ko nagustuhan ang konseptong ito na nasa isip ng ibang tao. Para sa akin, walang ibang makakatulong sa sarili mo kundi ikaw. Hindi mo kailangang ipakita na mahina ka para lang mayroong tumulong sayo. Para sa akin dapat palagi kang malakas at matapang upang maipagtanggol mo ang sarili mo.

Kilala ako bilang isang babae na matapang at madalang kung humingi ng tulong sa iba, hanggang sa isang araw dumating ang isang tao na magbabago ng paniniwala ko at magpaparamdam sa akin kung paano maging mahina at mangailangan ng tulong mula sa ibang tao.

"Pwede ba kahit minsan maging mahina ka, para naman maramdaman ko na kailangan mo rin ako?"