🕳️DILIM 🕳️

Naglahong lahat ng tao sa Barrio Suarez sa isang iglap maliban sa dalawang magkababatang matagal na hindi nagkita ~ si Liza at Alejandro. Dumating ang dilim na bumalot sa mundo nila at pinalitan ng isang pangalawa at kabaligtarang dimensiyon kung saan bumangon ang mga patay, ang payak na tao ay namuhay ng masalimuot at walang naaalala sa tunay nilang mundo.

Paano magagawang mahanap ng dalawang kabataang sila Liza at Alejandro ang pinakamimithi ng kanilang mga puso na magsisilbing gabay upang manumbalik ang dati nilang dimensiyon. At saan nagmula ang dilim na bumalot sa simple at payak na pamumuhay ng mga taga Barrio Suarez.

Mga naglalakad na bangkay na pananakal ang pakay. Isang dimensiyong kabaligtaran ng katotohanan. Isang musmos na nagbabalik upang ina'y hagilapin. Isang dalagitang pausbong pa lamang sa kadalagahan na pagtataka sa lagim at gulo ang dinanas. Isang maliit at antuking barrio ang sesentro sa papalapit at bumabalot na...DILIM!

Ang mga ito kaya'y iyong matatakasan?