Old Love Letters

Si Jairene ay NBSB at NSSB. Si Bernie ay maraming naging girlfriend pero torpe sa babaeng totoong mahal niya. Mahal ni Jairene at Bernie ang isa't isa simula pa noong una silang magkita. Nagkahiwalay sila ng landas ng hindi nalalaman na mahal nila ang isa't isa. Pinagtagpo muli sila ng tadhana at naging magkaibigan. Liligawan na sana ni Bernie si Jairene pero hindi niya tinuloy ng malamang nililigawan ng bestfriend niyang si Jerson si Jairene. Dahil sa pagkakaipit sa sitwasyon, nakapagdesisyon si Bernie na ligawan si Meladie na bestfriend ni Jairene. Bestfriend ni Bernie ang nanliligaw kay Jairene. Bestfriend ni Jairene ang nililigawan ni Bernie. Pero ang totoong nagmamahalan ay si Bernie at Jairene. Ang gulo! Paano maaayos ng mga napunit, naitapon at naitagong lumang love letters nila para sa isa't isa ang magulo nilang kwentong pag-ibig.

"​May ginawa akong love letter noon, para kay Bernie. Ibibigay ko sana bago ako gumradweyt ng kolehiyo. Hindi ko kinaya, pinunit ko, ibinato sa labas ng bahay namin. Humarap ako sa altar ng umiiyak at hiniling na, kung hindi man magiging kami balang araw, sana tumigil na ang pagtibok ng puso ko sa kanya."- Jairene

​"Dahil sa umaasa ako na para sa akin ang love letter na iyon, gumawa din ako ng love letter para kay Jairene. Balak ko sanang ibigay iyon kung sakaling iaabot niya sa akin ang love letter na gawa niya. Pero.... Wala eh..... Wala akong natanggap na love letter. Hanggang sa umalis siya sa pamantasan ay wala akong natanggap na love letter mula sa kanya. Siguro hindi talaga ako ang long time crush niya."- Bernie