Mahal Kita, Mahal Mo Siya

"Alam ko naman na hinding-hindi mo ako mapapansin kasi palagi kang nakatingin sa kanya. Nahihirapan din naman ako sa sitwasyon ko pero anong magagawa ko, eh, ikaw ang napili nito", anang binata na nakaturo sa dibdib nito.

Karina has been friends with Gino since their toddler days. She's been dreaming that one day they will get married. But he only see her as a sister.

Nagkakilala sina Markus at Gino dahil sa pagtulong ng una sa huli ng minsang harangin ito ng mga lasenggo sa kanilang kanto. Sa maikling pagkakakilala, nalaman nilang sa iisang unibersidad lang sila nag-aaral. Naging mabuting magkaibigan. Dahil kaibigan ni Gino si Karina ay di maiiwasang ituring na rin ni Markus na kaibigan ang dalaga kahit na sukal sa loob nito ang maging kaibigan siya. Tingin nito sa kanya ay karibal sa atensiyon ni Gino.

May lihim na pagtatangi si Markus kay Karina subalit lantaran namang ipinakikita nito ang pagmamahal kay Gino na hindi naman sineseryoso ng huli.

Gustuhin mang ipadama ni Markus ang pagmamahal sa dalaga ay hindi naman niya magawa. Mahal niya ito pero may mahal na iba at kaibigan pa niya.