Message in a Bottle

"Mahal ko, tama na, ang sakit sakit na" pagbabasa ko sa napulot kong sulat na nanggaling sa loob ng bote. Medyo luma na yung bote. Dilaw na ang papel at halatang matagal nang naisulat. At wow ha ang ganda nung panakip tatak APPLE. May nakatatak kasing apple na may dalawang kagat . Tapos may nakalagay na pangalan kung sinung nagsulat. TRAQUIL. Ha? Pangalan ba yun?

"Ha? Tunay ba to? Bakit may ganito?" Napaisip ako kung bakit may ganito. At kapangalan ko talaga yung pinagsulatan. Minamahal kong Kikay daw. Wow! Para sa akin ba to? Sino kayang secret admirer ko? Ang ganda ko naman.

"Teka sagutin ko kaya tapos sulat din ako tapos ilagay ko sa loob ng bote , Tama!" Proud kong pagkakausap sa hangin habang hawak hawak ang sulat na nanggaling sa loob ng bote.