100 Dahilan Kung Bakit Ka Niya Iniwan

Sino nga ba ang makakasagot sa kaisa-isang tanong kung "bakit tayo iniiwan ng taong ating pinakamamahal?" Ano, Bakit at Paano niya nagawang iwan tayo gayong ibinigay naman natin ang lahat? Sadyang napakaraming tanong ang nangingitawtaw sa ating isipan, mga tanong na halos paulit-ulit at paikot-ikot na lang ngunit hanggang ngayon ay pilit natin hinahanapan ng malalim na kasugutan.

Sinubukan kong buohin ang librong ito upang kahit papano ay mabigyang linaw ang mga katanungang matagal ng naglalaro sa ating isipan gayundin ay maibsan ang sakit na matagal nang nananahan sa ating mga puso't isipan, na kung saan tayo ay naging biktima ng maling pagmamahal. Mga katungan ng mga taong walang ibang ginawa kundi ang magmahal ng tapat at totoo, subalit para sa taong ating minahal ito ay hindi pa rin naging sapat kung kaya't tayo'y kaniling iniwan.

Sana sa pamamagitan nitong "100 Dahilan Kung Bakit Ka Niya Iniwan" ay mabibigyang linaw na ang mga tanong na nagpapagulo sa isip mo. Na kapag nabasa mo ito ay lubos mong maunawaan kung ano, bakit, at paano niyang nagawa ang lahat ng iyon. Dito malalaman mo rin ang totoo at ang mga bagay mong dapat gawin kapag iniwan ka ng taong mahal mo. Na kapag nabasa mo ang kabuuan ng librong ito ay tiyak na magbabago ang tingin mo sa mga taong nang-iwan at unti-unti ay lubusang mo na silang mauuwan.