حياتى مش كامله من غيره

الاخ...
بسمع كتير بنات بتتخانق بسبب اخواتها الولاد وشايفه ان الحياه من غيرهم كانت هتبقى احلى وانها مش عايشه برحتها وكلام كتير اوى متعرفش ان ده بيبقى احلى حاجه ف حياتها وجود اخ ف حياتك ده من احسن الحاجات اللى ممكن تحمدى ربنا عليها..
كل يوم بتمنى يكون عندى اخ ولد يحمينى ويحافظ عليا كان نفسى يضربنى ف الرايحه والجايه نتخانق مع بعض ونتخاصم وامسك عليه زله واخد منه فلوس علشان اسكت ومقولش لحد كان نفسى يكون ليا اخد يسندنى ويقولى متخافيش انا جنبك ولما يشوفنى زعلانه يتشقلب ويفرحنى حياتى ناقصه كتير من غيره اوى يمكن لو كان موجود كانت هتفرق كتير💔
هزارنا ع الاكل وضربه واكويلى ده واغسلى ده واخد هدومه والبسها واخد منه فلوس من غير مايعرف ولما يعرف يعلقنى🤷🏻‍♀️يكون بره واتصل عليه يجبلى شكولاته...لو كان موجود كنت هنزل معاه اشوف ماتشات هنسافر نتفسح ونطلع رحلات مكنتش هخاف امشى بليل بجد حياتى ناقصه كتير من غيره ياريته كان موجود💔😔
كان نفسى لما يجيلى عريس يجى ويقعد معايا ويقولى لا ده مش حلو انتى تستاهلى الاحسن او اه ده كويس وهيحبك بس انا بحبك اكتر منه ومش هيخدك منى بس اغانى الافراح ومنظر الاخ وفرحته باخته بعيط لانى مش هحس بالشعور ده كان بجد نفسى يكون ليا اخ من لحمى ودمى يخاف عليا ويرخم عليا برده❤
احمدوا ربنا ع وجودهم مهما عمل فهو بيحبك ومحدش هيخاف عليكى قده ورخامته وهزاره ده من حبه فيكى والله واعرفى ان قبل ماتحتاجيه هتلاقيه جنبك هو اهلك وناس بعد والدك هو الحلو اللى ف حياتك بجد❤