Common Word Like I Love You

Mahirap ang umasa, mahirap ang magpakatanga. Ngunit mas mahirap maniwala, maniwala sa salitang "Mahal kita." Hindi ako naniniwala sa salitang iyan, at kahit kailan hindi. Hinding hindi ako mamumuhay sa kasinungalingang bumabalot sa salitang iyan. Siguro dati, pero hindi na ngayon. Kasi simula ng makilala kita, nagsimula akong magdalawang isip. Nagsimula akong mangamba, na ang pader na binuo ko sa mahabang panahon ay basta basta na lang masisira ng dahil sayo.