Lullaby for the Broken

Nahihiwagaan si Polaris Dela Vega sa utak ng tao at naniniwala siyang kahit komplikado ang paggagawa nito ay simple lang ang mekanismo, may mga bagay lang na nagpapagulo. Sa kanyang utak ay isang babae ang gumugulo - si Maybelle Torres. Magulo ang babaeng ito. Magulo ang buhok, magulo kung gumalaw, magulo ang isip, at nang maglaon, nalaman niya na magulo rin ang buhay. Ngunit nahihiwagaan pa rin si Aris. At ika nga nila, ang mga ibon na may magkakaparehong pakpak ay nagsasama-sama. Nagkaroon ng sanga ang pagkakaibigan ni Aris at May at nakabuo sila ng isang grupo. Grupo ng magugulo ang isip. Grupo ng mga wasak ang puso. Subalit nagiging buo ang grupo nila dahil sa isang gitara at mga awit na kinakanta nilang magkakasama. Nagiging buo ang grupo nila tuwing nagdadamayan sila. Mabubuo kaya ng pagkakaibigan ang kanilang pagiging "broken" sa pamamagitan ng mga jamming, kwentuhan at pagsasamahan? O magkakahiwa-hiwalay din sila sa huli? Darating ba ang panahon na ang lahat ng bagay na sira ay maaayos din?