The Pretend Princess

Anastasia Elle Cruz. Maganda, maputi, makinis. Syempre naman, halos di yan pinapalabas sa bahay nila eh. Matalino rin siya. May itinatagong talento sa pagsayaw at pagkanta. Nangangarap na sana mapabilang siya sa mga sikat sa paaralan nila. Pero mukhang imposible itong mangyari.

Masasabi niyong pinalaki siya ng mama niya upang maging invisible buong buhay niya. Pinagbabawalan, o kaya'y di sinusuportahan sa mga activities niya sa school, maging sa pagiging honor student niya. Di niya alam ang rason. Pero nang dahil dito ay lumaki siyang kulang sa self-esteem. Pakiramdam niya wala na talagang makakapansin sa kanya at sa kanyang mga kayang gawin. Wala nang may kayang makakita kung sino talaga siya. Ngunit nagkakamali siya. May isang taong nakakita sa kanya, isang tao na, lingid sa kanyang kaalaman, siya lang ang napapansin simula pa ng pagkabata nila.

Si Alfred Dale Tuazon. Matangkad, gwapo, magaling sumayaw at mag pinta. Magkababata sila ni Elle. Noon pa man ay palagi siyang nasa tabi ng dalaga para protektahan ito. Ngunit palagi silang nag aaway. Palaging may bangayan. Pero kahit anong away nila, di niya pa rin talaga kayang tiisin ang kakulitan ni Elle.