PUSONG SUGATAN (Para sa iniwan)

Paano mo nga ba papalayain ang taong minahal mo ng sobra?
Paano mo nga ba gigive-up ang taong pinangarap mo?
Paano mo nga ba kakalimutan ang masasayang alaalang pinag samahan ninyo?
Paano nga bang mag simula muli ng wala ka na?
Bakit kailangan pang matutong magmahal kung masasaktan lang naman?

Saan ba ako nagkulang?
Nasakal ka ba sa akin?
Bakit hindi ka na ba masaya sa akin?
Napagod ka na ba?
Sabihin mo lang handa naman akong magbago huwag mo lang akong iwan
Handa akong mag adjust kung yan ang ikakaayos ng relasyon natin
Nasaan na ang pangako mo na kahit anong mangyari
Hindi magbabago ang pagmamahal mo sa akin
Na walang susuko bagyuhin man tayo dumating man ang madaming pagsubok
Na hindi mo ako bibitawan
Sabay natin tutuparin ang mga pangarap natin
Sabay tayong tatanda
Umasa pa din ako na magiging ok tayo
Nagbabakasakali pa din ako mag babalik ang init ng pagmamahalan natin
Pero habang tumatagal palala tayo ng palala
Walang araw na hindi tayo nag aaway
Kahit mga simpleng bagay pinagtatalunan na natin
Namimiss na kita
Namimiss ko na yun minahal ko dati
Pero heto na nga talaga ang dulo ng istorya natin
Hanggang dito na lang talaga tayo
Masakit isipin bibitawan na kita
Pag naiisip ko pa lang mawawala ka na sa akin
Parang hinahati sa pirapiraso ang puso ko
Para akong mamatay sa sakit
Parang may punyal sa dibdib ko
Ang sakit sakit
Paano nga ba ulit mabuhay ng hindi ka na kasama?

Ayokong bitawan ka
Ayokong isuko ka
Pero pag nakikita kitang hindi na masaya sa piling ko
Wala na ang init ng iyong yakap
Papalayain na kita
Magpaparaya ako
Para sa ikakasaya mo
Isusuko na kita
Hindi dahil hindi na kita mahal
Bibitawan kita hindi dahil ayoko na sayo
Kailangan ko ng tanggapin
Na minsan ka lang nagging akin
Magpaparaya ako
Kung ikasasaya mo
Kahit pa ang kapalit nito ang pagwasak ng puso ko
MALAYA KA NA
-LAIE MACATO-