Spoken Poetry

Sisimulan ko sa tulang hindi ko alam kung paano simulan,
At sa salita na hindi ko alam kung saan itutugma.
Kahit na ako'y napapagod, susubukang kumpletuhin ang salita sa bawat taludtod.
Uubusin ang tinta ng panulat, at aking isusulat ang lahat lahat.

Kung saan ako'y nagmahal, simpleng saya ang hiling sa Maykapal.
Hanggang sa nagmahal ako ng lubos, at tila ba naging kandilang nauubos.
Tulad ng mga letrang may kanya-kanyang pagbigkas, tayo naman ay may isang matinding wakas.
Wakas kung saan ako'y sumobra, hindi alam na kailangang tumigil na.

Ilang karayom ba ang tatarak, ilang luha ba ang papatak.
Sa bawat simpleng salita, hinahanap ang tunay kong halaga.
Hanggang kailan ba hihikbi, hanggang kailan ka ba pipili.
Sana sa iyong desisyon, tumama at sana'y ako 'yon.
Hahanapin ang salitang "mahal kita", sa bawat letra at bawat salita.