تائهة على درب التحدي (مكتملة)

فجأة جرس الموبايل، رفعته بسرعه متوقعة مكالمة جديدة من العميل لترد برسمية شديدة
" سلام عليكم "
فيأتيها الرد من صوتٍ مميزٍ أرسل قشعريرة في جسدها كله وهو يقول بصوت رائق
" وعليكم السلام والرحمة يا زوجتي الجميلة "
كل ما شعرت به ساعتها هو الغضب بل بالغضب الشديد لا تعلم لم ولكنها غاضبة جدا منه أو ربما من نفسها لترد بغيظ
" أولا أنا خطيبتك مش زوجتك ، ثانيا يا بشمهندس أنا في الشغل والشغل ده خط أحمر مش هينفع تتصل بيا وأقعد أضيع وقتي في الكلام معاك كل شوية "
على الجهة المقابلة كان حسان مذهولا لقد توقع أن تعترض وتندفع في الكلام كالعادة لكن أسلوبها زاد عن الحد الذي يسمح بتجاوزه لذلك رد بمنتهى الهدوء
"ما عاش ولا كان اللي يعطلك يا حضرت الباشمهندسه ، بس لو سمحتي لما تبقى تفضي ابقي اتصلي انتي علشان مش عايزين نعطل سيادتك ، سلام "
ثم أغلق الهاتف لتنحبس أنفاسها وهي تحاول أن تستوعب ما حدث ، يا إلهي لقد أغلق الهاتف في وجهها !!
#تراتيل_البنفسج