#من_حقي_نعيش

مقدمة وتعريف بالرواية

#من_حقي_نعيش

هي رواية باللهجة الليبية الدارجة مضمونها سامي وهي مقتبسة من رواية قصيرة من ستة حلقات اسمها #جروح_العشق كاتبتها صديقتي Do Ja

رواية دوجة عطتني الفكرة والإلهام ان تكون هالرواية بنفس المضمون وبنفس الهدف لكن بسيناريو جديد وبسبعة حلقات .. والهدف منها نلفتوا انتباه القاري لقضية معينة نعانوا منها حني #ذوي_الاعاقة في مجتمعنا الليبي بشكل خاص والعربي بشكل عام ..

و بالرواية نبي نوصل عبرة نبي نغير واقع مؤلم لينا .. هي مش مجرد رواية وبس ولا حني ادبيين ولا كتاب لكن نتكلم من واقعنا المؤلم لدرجة أبدعت في الوصف والتعبير ومن كتر ما نوصف في موقف ممكن يكون صاير معاي او مع حد نعرفه نكتب ودمعتي في عيني من كثر ما متأثرة ... 💔

كتابة الرواية تجربة حلوة اول مرة نخوضها تفجرت فيها طاقات فيا مكنتش نعرف انها فيا اصلا .. عرفت بيها اني ممكن نألف ونكتب ونوصل شي بكلامي ونخلي بصمة حلوة عند الناس ..

ودوجة هي اللي عطتني الإلهام هذا بروايتها وخضت هالتجربة الحلوة والرائعة معاها وحبيت يكون اسمها مقترن باسمي بأسمها تكريما ليها ..🤗

نتمني من كل قلبي تعجبكم الرواية وتلامس قلوبكم قبل عيونكم .. ونوصلوا للهدف السامي اللي نبوا نوصلوله ونسلطوا الضو عليه ويتغير ولو جزء صغير من التفكير السلبي اللي في المجتم