FAKE FAIRYTALE

Hindi madali ang umibig. Gaya ng parati nating naririnig na kataga at kasabihan. "Hindi ito isang kanin na kapag sinubo mo at nainitan ka, agad mo na lang iluluwa."

Masakit na may kahalong hirap ang pag-ibig.

Hindi porke't mahal mo siya, mamahalin ka na rin niya.

Hindi porke't mahal mo siya, may karapatan ka na sa kanya.

Tandaan, hindi mo mapipilit ang isang tao na mahalin ka, lalong-lalo na kung may mahal na s'yang iba.

Ngunit paano kung dumating si Kupido at panain ang inyong mga puso?

Paano kung mahal ka niya dahil isa kang prinsesa.

Mahal ka niya dahil nakita niyang naiwan mo ang isang sapatos sa hagdan ng palasyo nila?

Paano kung sa kabila ng masamang anyo mo, nagawa ka pa rin niyang mahalin?

O di kaya naman, mahal ka lang niya dahil may kaibigan kang pitong duwende.

In short, kunwari totoo ang fairytale.

Kunwari, yong taong matagal mong mahal, minahal ka na rin. Kagaya ng mga love story na napapanood sa TV.

Sa sobrang adik mo sa fairytale, pinaasa mo na ang sarili mong mamahalin ka rin niya.

Isa ka rin ba sa kanila? Isa ka na rin ba sa mga taong naniniwalang totoo ang fairytale?

What if your wish will come true?

But you suddenly realized ,wishes are only granted in fairy tales.