كرونيك: 💖💖الوقوع_ في_ الحب💖💖

سلام جبتلكم كرونيك من عرش إبداع الذئب
ناااار اقل ما يقال عنها رائعة و مؤثرة بزااااف صدقوني فالقمة ومتنساوش تفاعل 😉😘

منقوووولة###

باللهجة الجزائرية🇩🇿🇩🇿🇩🇿

#الوقوع_في_الحب

الحلقة 1
ناضت سحر مع السبعة تع صباح:اععع هذا الرافاي ميحبسش طول، كرهتوووو، وقتاه نتهنا من هاذ الهم.
لبست حوايجها ، لمت شعرها طمطومة لفوق وخرجت بزربة ، هذا اول اسبوع ليها في الجامعة وراهي تعاني ، مقدرتش لنظام الدراسة الجامعي.
سحر: سليمة راني رايحة، من بعد ان شاء الله.
سليمة: ايه روحي ، وكملت في قلبها: ان شاء الله ما ترجعيش.
وصلت للجامعة جات رح تقطع الطريق ، وهي تشوف في تلفونها وش عندها برنامج اليوم.
طيييط طيط طيط ، صوت الطوموبيل صرعها ، طلعت راسها تشوف وش هاذ الفوضى ، حبس قلبها كي شافت الطوموبيل جاية ليها رح تدهسها، غمضت عينيها وهبطت ايديها وهمست : نحبك ماما.
************
-ريم ، ريم ، الله يهديك يا بنتي نوضي ، كل يوم هاذ الروطار.
ريم: مامي بليز ، خليني نزيد نرقد شوي.
الام: امممم، اوك، دوك نقول لمروى ماراكيش حابة تهبطي.
ريم تنفضت: مروى جات، علاه منوضتينيش؟
الام تضحك : هاني نوضتك دوك ، هيا اهبطي ليها.
هبطت تجري مع الدروج: مروكو حبي صباحو.
مروى تشرب فالحليب
وتتبسم في هدوء: قتلك الف مرة متقوليليش مروكو.
ريم تحضنتها وبعدت تشوف في الب