Lahat ng tao may problemang dinadala, lahat ng tao nasaktan na at patuloy pa ring nasasaktan sa iba't-ibang kadahilanan. Minsan mapapaisip ka nalang ng "deserve ko ba talaga 'tong sakit na nararanasan ko?" O di kaya'y "anong nagawa kong kasalanan para maramdaman 'to?" Minsan dahil sa sobrang sakit na ng karanasan mo, pinatigas na nito ang puso mo. Buong buhay mo akala mo naging matapang ka 'yon pala nasanay ka lang. Nasanay na masaktan. Hindi lang isang beses kundi paulit-ulit. "Maraming beses na akong nasaktan... ano ba naman yung sakit na nararamdaman ko ngayon? Walang wala sa nakaraan ko. Masyadong mababaw." Ani ni Juliana sa kaibigang si Maurine. "Hindi mo kailangang timabangin kung ano ang mas masakit sa hindi, Juliana. Kung nasasaktan ka umiyak ka wag laging magsuot ng maskara."