Isang pagkakamali ang nagawa ni Zarina nang ipagkaloob niya ang sarili sa isang estranghero. Nagulong lalo ang kaniyang magulo ng buhay dahil sa isang gabing kapangahasan. Hindi nga lamang niya naisip na magkikita silang muli pagkalipas ng mga taon. Isang malagim na insidente ang nagpangyari upang muli'y matagpuan niya ang sarili sa mga bisig ng nag-iisang lalaking kayang gisingin ang samu't-saring damdamin sa kaniya. Ngunit ni hindi siya sigurado kung naaalala siya nito. Habang tumatagal at nakikilala niya ang binata'y lalong lumalalim ang nararamdaman niya. At kung kailan pakiramdam niya'y unti-unti na ring nahuhulog sa kaniya ang binata, mayroon namang galing sa nakaraan ang nais na bumalik muli sa buhay nito. Paano na ang pag-ibig niya sa binata? Magagawa niya bang ipaglaban ito gayong may lihim din siyang itinatago dito?