Ilang taon na ang nakalipas ngunit hindi pa rin mawala sa isip ni Alexandra ang lalaking bumihag sa puso niya. Nakilala niya lang ito ng biglaan, pero kung mahalin niya ito ay matagalan. Walang araw na hindi niya ito iniisip, kaya naisipan niyang gumawa ng isang 'diary' na kung saan dito niya sinusulat ang mga gusto niyang sabihin sa lalaki. Ngunit biglang nagtapat ang kaniyang matalik na kaibigan na nahulog na ito sa kaniya. Hindi niya kahit kailan inisip na totoo iyon dahil ayaw niyang masira ang kanilang pagkakaibigan. Pinabayaan niya lang ito hanggang sa dumating ang araw na pinakahinihintay niya---ang makitang siyang muli. Palagi niyang sinusundan ang lalaki, hanggang sa mapansin siya nito. Ang akala niya nung una ay maaalala siya nito, ngunit siya lang pala ang nakakatanda at nakakaalala lahat nang nangyari nung araw na 'yon. Hanggang sa mapadpad siya sa lugar na kung saan niya ito unang nakita, at hindi niya inaasahang sa eksaktong lugar, eksaktong oras at eksaktong araw, nakita niya nanaman ang lalaking iniibig niya. Maaalala pa kaya siya ng lalaking mahal na mahal niya? ♡♪