WIFI [Tanda mo pa ba?]

Sa paglipas ng panahon, napakaraming bagay ang nagsilitawan. At kung bagay lang naman ang pag-uusapan ay hindi na mawawala sa listahan ang mga gadgets na patuloy na pumapatok sa mga kabataan. Mga gadgets na nagiging dahilan para malayo sila sa tunay na mundo at hindi nila maramdaman ang saya ng buhay sa piling ng mga pamilya, kaibigan at ng lipunan.
Ikaw na nagbabasa nito, hindi mo ba naiisip o naaalala man lang ang ginagawa mo noon sa mga oras na ito nung wala pa ang mga ganitong teknolohiya? Ikaw na laging hawak ang cellphone, naaalala mo pa ba noon ang saya na iyong naramdaman sa tuwing naglalaro ka ng mga larong kalye? Ikaw na nakikinig ng music sa cellphone habang nakatingin sa bintana at pinapanood ang pagpatak ng ulan, naaalala mo pa ba noon na sa tuwing umuulan ay nalulungkot ka dahil hindi ka mapaglaro sa labas?