Zaman üzrə səyahət edən məktub

Mən bir məktubam...
Gələcəkdə bir yerdə, çatdırılmaq üçün bir insan gözləyirəm.
Yoxdur...ətrafda insan yoxdur. Üç-beş robot görsənir. Yüksək göydələnli şəhərlər səssiz və tənha qalıb. Göydə buludlar əvəzinə iri dairələr dayanır. Nə baş verib gələcəkdə? İnsanlar hara yoxa çıxıb?! Mən keçmişdən onlara göndərildim axı. Bəlkə yaxınlaşım robotlardan soruşum.
-Salam, insanlar haradadır? Mən zaman üzrə səyahət edən məktubam, onlara müraciətim var.
-...
Robot monitorda nəsə göstərir mənə. Müharibələr, təbii fəlakətlər surətlə bir-birini əvəz edir. Məhv edilən uşaqlar, insanlar, canlılar, partlayan bombalar, nüvə Allahın qəzəbi olə insanlar özlərini məhv edib. Robotları yaradan insan necə özünü məhv edə bilər?!