MAPANDARA (Sa Muling Paglubog ng Araw)
Dakilang Ina, ilaw ng tahanan na gagawin ang lahat upang lumiwanag ang tahanang madilim. Sakripisyo at pagtitiis ay pinasan upang bigyan ng magandang kinabukasan ang mga supling.
Sa paglisan ni Mohammad upang tunguhin ang responsibilidad bilang isang MILF. Masakit ma'y kailangang harapin ang bukas nang mag-isa at walang karamay. Pangungulila, ngunit tanging ang Diyos at mga anak nito ang naiwang nagpapatatag sa kanya.
Ngunit paano kung dumating ang isang lalaki na pupuno sa mga pagkukulang ng lalaking matagal mo nang hinihintay na magbalik? Tinanggap ang iyong nakaraan at minahal ka bilang ikaw. Binigyan ng magandang kinabukasan ang mga anak at itinuring kadugo.
Si Yusoph, sundalo na naging matatag na haligi ng tahanan na itinuring Ama nina Ashrap at Yasher na ngayo'y mga sundalo na rin.
Ngayon, paano mo haharapin ang katotohanan na ang lalaking inaakalang patay ay bumalik upang gampanan ang pagiging asawa at Ama.
Paano tatanggapin ng iyong mga anak na ang totoong Ama ay mortal nilang kalaban sa ngalan ng kapayapaan.
Sa muling pagbabalik ba nito ay magbibigay sa iyo ng kasiyahan? O magiging dahilan upang wasakin ang bagong mundong ginagalawan?
Paano mo haharapin na sa muling paglubog ng araw ay isa sa mga mahal mo sa buhay ang maaring pumanaw?
