I Love You, My Darling Ogress

"Kung mahal mo talaga ang isang tao, walang lugar para sa 'I love you but you deserve someone better.' Dahil kung totoo ang nararamdaman mo para sa kanya, you will become that someone better."

(Published Under Precious Pages Corporation)
Ginusto ni Trixie na pansamantalang makatakas mula sa magulong mundo ng pagmomodelo kaya bumalik siya sa Pilipinas para magbakasyon. Pero malayo sa peace of mind na inaasahan ang sumalubong sa kanya nang isang lalaki ang lumapit sa kanya at nagpakilala bilang si Alaric Montero. Iginiit pa ng lalaki na fiancé niya ito.
Trixie felt like the whole world was spinning right in front of her eyes. Natagpuan na lang niya ang sariling nakakompromiso ang isang buwan na bakasyon niya kasama ang pinakaarogante at pinakaimposibleng lalaking nakilala niya.
Pero sa mga araw na kasama niya si Alaric, naranasan niya ang maging masaya. Sa tulong nito, unti-unting nanumbalik ang sigla ni Trixie at nagawa niyang makaahon mula sa kalungkutan. Pero sa huli, kailangan niyang bitawan si Alaric dahil set-up lang pala ang lahat. She was a victim of misidentity...