Si Boyjoy at ang Kalawakang Walang Katapusan

Tatlong taon nang gradweyt ng kolehiyo si Boyjoy. Tatlong taon na rin siyang tambay sa bahay. Sanay na siyang maparinggan ng mga kapatid na maghanap ng trabaho. Pero minahal niya na ang paghuhugas ng plato. Minahal niya na ang sebo at mantika. At higit sa lahat, minahal na niya ang Joy.

Joy na ang katuwang niya sa malulungkot na tanghalian, subok na niya ito. Pero hindi tulad ng nasa Commercial. Mabilis itong maubos sa kaniya. At sa tuwing bumibili siya sa kalapit na tindahan, nagkikita sila ng bantay nitong si Neneng Lamig.