القرين

"قصتي مع القرين".

في البداية أنا اسمي أحمد .. لما كنت طفل في مقتبل العمر كانت أحلامي كتير وكلها مفزعة ومخيفة، كنت بحلم دايما إني مطارد من عفاريت بهيئات مخيفة لطفل زيي، وكان لما يقرب مني ومجرد مايلمسني أي كائن من دول أقوم مفزوع وكإني روحي كانت بتخرج مني.

بإختصار استمرت أحلامي المفزعة دي بسيناريوهات مختلفة تماما وبفزع كل مرة مختلف وبقيت بروح للسرير وأنا عارف إني هصحي مفزوع من كابوس مخيف، لحد مابقي في حلم مكرر هو الكابوس الدائم بتاعي "My daily nightmare" وفضل مستمر معايا سنين.

علشان ماطولش عليك .. الحلم بمنتهي الإختصار كان إني بشوف أهلي أو أي شخص أعرفه علي هيئة طفل مشوه تماما وشكله مخيف بشكل بشع بيهاجمني، وكل مرة الطفل أو الكائن ده بيقرب مني ويلمسني بصحي مفزوع وبتنفس بصعوبة.

فضلت ع الحال ده كتير لحد ماسمعت في برنامج إذاعي للمذيع المشهور بقصص الرعب "أحمد يونس".
في الحقيقة هو كان بيجيله رسايل من المستمعين عن مواقف مرعبة حصلتلهم، واحد من المواقف دي كان مشابه تماما للكتبوس الدائم اللي كان بيطارد طفولتي، وهو إن الشخص كان بيشوف أطفال مشوهة بتقرب منه وبيصحي مفزوع، اتفسر الموضوع انه ده القرين بتاع الأشخاص دول.

القرين للي مايعرفش هو النسخة المشابهة ليك "توأمك من العالم السفلي" وهو غالبا في القصص المرعبة أو الأف