"Naniniwala Na Talaga Ako" | Part I

Istoryang hango sa Pilipino Folklores o Kwentong Bayan at mga Pilipinong Mitolohiya o Philippine Mythology na hinaluan ng makabagong pagsasabuhay. Ang istoryang ito ay tungkol kay Tristan at sa kanyang mga karanasan bilang tigapagsalaysay sa buong istorya tungkol sa pakikipagtunggali nya sa iba't ibang uri ng nakatatakot na nilalang na nagmula sa Pilipinas tulad ng Aswang at marami pang iba.

Hindi ito ang tipikal na istoryang Aswang na kung saan ay dinudumog ng mga kampon ng kadiliman ang bida sa istorya. Ang istoryang ito ay tungkol sa pakikibaka ng bida sa kanyang buhay na may kinalaman sa pagtugis sa malalakas na Aswang, Engkanto, Kapre, Diwata, mga tao, mga Diyos, at iba pang nilalang na may kinalaman sa Pilipinong Literatura at Sining.

Si Tristan ay isang tipikal na kabataang katatapos lamang mag aral ng sekondarya. Bilang tulong sa sarili at sa tiyuhin nyang bumubuhay sa kanya, napagdesisyunan nyang magtrabaho sa Lino's CafeBar kung saan magbabago ang daloy ng kanyang buhay at paniniwala nya sa buhay. Bilang si Tristan ay hindi naniniwala sa kwentong matatanda, ang kultura na para sa kanya ay lumipas na, at sa paniniwala ng iba, dito ay masusubok sya kung talaga bang hindi sya maniniwala.

Ang istoryang ito ay isang uri ng piksyonal o kathang isip lamang, walang Tristan o kahit sinumang karakter sa istoryang ito ang nasa tunay na buhay. Maraming salamat sa pagbabasa! Subaybayan ang istorya ni Tristan kasama ang kanyang mga kaibigan at katrabaho! Arat!