Paano Kung Hindi Tayo Sinakop ng mga Kastila?

Kung nagustuhan mo ang Amaya at Encantadia. Tiyak ako magugustuhan mo rin ito. Handa ka na bang maglakbay,makipagsapalaran, mainlove at maging tunay na Pilipino? Tara na.

Si Chester Garcia ay isang tipikal na batang lalaki na taga Quezon city. Mahilig sa gala, Gitara, Basketball at city life pero labis siyang nalungkot nang lumipat sila ng kanyang pamilya sa probinsiya. Pakiramdam niya ay nawala na sa kanya ang lahat lalo na ang mga kaibigan niya at ang kanyang buhay siyudad subalit agad din namang napawi ang lungkot niya nang makilala niya si Jena na crush na crush niya. Naging masaya ang pagiging magkaibigan nila kahit pa may boyfriend si Jena na siyang kaaway naman ni Chester na si Jeremy.

Hindi rin nagtagal nang malaman ni Chester na kaya pala siya ipinadala sa lalawigan ay dahil meron siyang isang mahalagang misyon na kailangan niyang gampanan bilang isang mandirigma sa mundo ng Samtoy. Ang kanyang mundong pupuntahan ay ang bersiyon ng Pilipinas na hindi nasakop ng mga dayuhan. Ang buong kapuluan ay sinakop at pinag isa ng isang makapangyarihan at pantas na Dayang na may layuning pag isahin ang buong kapuluan sa kanyang pamumuno. Tinawag niya itong Navea. Nasakop na ang buong kapuluan maliban sa kaharian ng Samtoy na pinamumunuan ng kanyang kambal na kapatid. Nang makarating sila Chester at Jena sa Samtoy ay dinukot ng Dayang si Jena para bihagin dahil sa pagmamatigas ng kanyang kakambal na ayaw pasakop sa kanyang pamumuno. Duon na nagsimula ang totoong adventure at epic tale ng ating mga bidang sila Chester, Mark at Pauline. Mailigtas pa kaya ni Chester si Jena at ang mundo ng Samtoy? Ano ang kahihinatnan ng Samtoy at ng mga magkakaibigan sa mundo ng Navea? Maging girlfriend kaya ni Chester si Jena? Mailigtas din kaya ang mundong hindi nasakop?