**حلقة 1 راقدة تضرب فيه خميري شعرها مشبشب وداخل بعضوا وراقدة قريب طيح من الفرش .. -"قوم يزيك من النوم ...لطف شترقد !!" -" أمان حلومتي نص ساعة ونقوم ..!" -" لا ...نحب نمشي و نرجع نلقاك قمت !!!" -"أوه باهي" نعرفكم : سهى بنوتة صغيرة ..عمرها 19 جمعة أخرى تعمل 20 تحب تعيش حياتها دبش و خرجات و صحاب .وتحب النوم زادة....هي مزيانة شعرها طويل هابط على أكتافها عينها شهل و فمها صغير و بدنها يعشق ...ماهيش ضعيفة بدنها مملي,.. مفماش شكون يحكي على سهي ماغير ما يجبد ضحكتها العسل و تربيتها شخصيتها قوية تعمل كان الفي راسها عايشة مع ميمتها و اختها و بوها عايلة غنية...أما لفلوس مبدلتهمش ..عايلة كلها حب وتفاهم أيا سيدك قامت سهى مشات عملت توالتها و لبست دبشها( سروال noir و مريول سبونجبوب وسبادري لمت شعرها ) هبطت تفطر ..تلقى أختها غادي مشات تجري باستها : -"صباح الخير ملوكتي، فيبالك بعد جمعة أختك صغرونة تعمل 20 كبرت ...مش هكا ؟؟ -"لا لحق كبرت !!" -"محسوب ..قاده عمرك انتي !! -"تي بلاهي ماني اكبر منك يزي" -" باهي اكبر مني أسكت برك!! كملوا فطروا في الجو و الضحك و العرك :" أيا ملوكتي نخليك !! -" باهي بايباي أما تنساش عنا ضيوف ليوم !! -"أ باهي باهي مننساش!...(باستها و خرجت ) ☆نكمل ؟؟؟؟☆