Don't mess with me

*splashhh*

Nawala bigla ang concentration ko sa anime manga na binabasa ko nang may kung sinuman ang nag buhos ng malamig na tubig mula sa ulo ko. Hindi pa nga ako nakakabawi sa pagkagulat ay sunod-sunod na tawanan na ang narinig ko sa paligid.

"Hey weirdo!," tawag ng isang babae kaya napatingin ako dito. "Nagustuhan mo ba ang unang paligo mo?" sabi nung babaeng na sobrang kapal ng make up at tila ba nang-aasar ito base sa tono ng pananalita nito.

"Ayan ha," singit ng isa pang kasama nito. "Nag volunteer na kaming paliguan ka baka kasi walang tubig sa bundok na pinanggalingan mo. " sabi nito, pero medyo hindi ako naka focus sa sinabi nito kung hindi dun sa suot n'ya, malapit na kasing makita ang hindi dapat makita.

"Naku girls, baka kulamin tayo n'yan, balita ko mangkukulam daw ang lahi nila!" maarteng sabi ng isa pang kasama nito sabay tawa.

Meron pala kaming lahing mangkukulam? ba't hindi yata ako na-inform ng mga kamag-anak ko...

Pero teka...

Am I being bullied?

Well, first time kong ma-bully kaya eto, medyo late reaction lang.

Hindi ko nalang sila pinansin dahil ayaw ko silang patulan, mag aaksaya lang ako ng oras pag ginawa ko iyon kaya kahit halos basa na ang buong katawan ko, mas minabuti kong ipagpatuloy ang pagbabasa ko ng manga, ang ganda na kasi ng mga eksena dito sa binabasa ko, mamaya na ako magpapalit ng damit.

Pero agad din akong magilan at natulala sa nasaksihan..

Yung manga ko kasi...

Hindi na mabasa dahil basang-basa na, hindi na maklaro yung mga drawing at yung mga letra.

Napatingin ako sa mga babaeng hanggang ngayon ay tawa parin ng tawa.

Mapayapang pagbabasa lang naman ang hinihingi ko, di nyo pa ako pinagbigyan...

Walang kamalay-malay ang mga babaeng ito sa kung ano ang kaya kong gawin sa kanila.

" Ohh dear, who do you think you're messing with?" bulong ko kasabay ng malademonyo kong ngiti.

I, Aya Mendoza, 17, and this is my story...