The Cruel Mafia: Wrong Move (Self Published)

Maqi Ria Ivañes-isang dalaga at anak na pinagkaitan ng mundo. Lumaki siya nang walang nag-aalala at nagmamahal sa kanya. Nagkaroon siya ng nobyo ngunit puro pasakit lamang ang ibinibigay nito sa kanya. Nakatadhana nga yata na puro sakit na lamang ang mararamdaman niya. Dahil simula rin nang makilala niya ang isang lalaki na kumuha sa puri niya ay hindi na siya tinigilan nito.
Minahal niya ang lalaki, ngunit ang lahat pala rito ay puro kasinungalingan lamang. Dahil lahat pala sa binata ay planado na. Planado na kung paano siya mapapaibig at kung paano siya magagamit laban sa kanyang ama. Ang hindi niya alam ay may malaki palang bahagi sa kanyang buhay ang lalaking ito.

Gab S'ven Esteban-isang binata na nangungulila sa kanyang minamahal na kababata na si Maria. Buong akala niya ay patay na ito, kaya naman nang siya ay maging ganap na malakas at maging mafia boss ay nagplano siya na bigyan ng hustisya ang pagkamatay nito. Tandang-tanda pa niya ang pumatay sa kanyang Maria kaya nang makilala niya ang isa sa mga nakakaalam sa taong iyon ay nagplano siya na mapalapit sa dalagang si Maqi para paibigin at para mapalapit sa ama nitong tauhan ng hinahanap niyang taong pumatay kay Maria. Pero imbes na paibigin niya ito ay siya mismo ang nabihag nito. Ngunit nang malaman niya ang buong pagkatao nito ay pinaghalong saya ngunit pangamba ang kaniyang naramdaman-na baka sa oras na malaman nito ang naging motibo niya ay baka iwanan siya nito.

At sa pangalawang pagkakataon ay iniwan nga siya ni Maqi Ria Ivañes o mas tamang sabihin na . . . ni Maria Corazon Walters-ang kababata niya na nariyan na pala sa tabi niya. Ang babaeng noong bata pa lamang siya ay minahal na niya.

Copyrights 2017 © MinieMendz