25 bab Lengkap كتير من أهل المدن بنتقدوا أهل القرى وبعايروهم بي عيشتهم وثقافتهم وتعليمهم وعاداتهم وتقاليدهم .. منو القال القرويين جهال منو القال القرويين همجيين .. القروي عيشتو بسيطة بصحى من دون منبه زيكم بصلى الصبح حاضر مع الجماعة وقبل الشروق طلع للشغل عندو أهم شيء عيلتو والجار للجار قبل الأهل عندهم الخلاوي الأحسن من المدارس بتربي قبل ما تعلم وفي المدارس وعندهم عاداتهم البتطلع الجيل البقدر فعلاً يتغلب على تحديات المستقبل وتقاليدهم الموروثة جيل بعد جيل .. تربية القرى فرق شاسع من تربية المدينة .. يا حليل زمن العراقي والسروال والجلابية والسديري دة زمن الموضة زمن البنطلون الكباية والقميص الأفضل عدمو .. أماالبنات فاضيات للجلخ وقروشهن في الكريمات مضيعنهم والشعر بتاع الحكومة والبدرة في الوش مضروبة يا حليل زمن الخجل والبت البريئة بجد الودك المالي الشعر الطويل لي نص الضهر واصل والوش زيت السمسم مغطيهو والتوب كل الشارع قشاهو يا حليل زمان يا حليل زمان
