Günahkar

Hansımız məsum idik ki?! Hərəmiz bir günahdan məsul idik əslində...

17 yaşında olan Lara universitetə yenicə qəbul olub, yeni dostluqlar qurub, xalasının himayəsində yaşayır, bütün sevincini kədərini onlarla bölüşməkdədir. Öz ailəsini isə 7 il öncə gözləri önündə itirmiş və hər kəsin səbəbsiz olaraq qəbul etdiyi bu hadisə keçmişin sirlərinə qarışmışdır. Atasının yenicə köçürüldüyü həbsxanada qəfil intiharı isə bu qurumuş yaranı yenidən qanatmış və Laranın unuda bilmədiyi bu travma ona təkrar xatırladılmışdı.

Hər kəs susur, heç kim heç nə bilmir. Lara isə artıq birindən bir cavab, ailəsinin beləcə məhv olmasına tutarlı bir səbəb eşitmək, günahkarın kim olduğunu bilmək istəyir. Həyatının tamamilə fərqli məcraya yönləndirəcək gizli nömrədən mesajların gəlməsi ilə isə keçmişin sirr pərdəsi aralanacaq, əsl günahkarın kimliyini öyrənməyə addım-addım yaxınlaşacaq.