Why Why Love

"Sabi nila, kapag pangit daw, wala nang karapatang lumandi at mag-feeling Cinderella! Excuse me, bawal ba ma-delay ang happily ever after?"

Meet Elle. Certified NBSB (No Boyfriend Since Birth), alipin ng salapi, at kung manamit ay parang laging handang manlimos sa kanto. Sa sobrang pagka-workaholic niya, minsan napapagkamalan na siyang "half-mumu" sa opisina dahil sa itim ng eyebags niya at buhok na hindi nakakilala ng suklay.

Pero sa likod ng kaniyang haggard aesthetic, may isang sikreto si Elle: naniniwala pa rin siya sa Fairy Tales. Hinihintay niya pa rin ang pagbabalik ng kanyang childhood sweetheart na nangakong pakakasalan siya. Ang kaso, nang magkita sila ulit, hindi siya nito nakilala dahil sa sobrang glow-down niya!

Sa kagustuhang magtago sa sariling kahihiyan, isang aksidente sa bus ang magpapabago ng buhay niya. Sa hindi inaasahang pagkakataon, nanakaw ang kanyang inaingatan na First Kiss... hindi ng kanyang Prince Charming, kung 'di ng isang gwapo pero ubod ng yabang na lalaki!

Expectation: Prince Charming na sakay ng white horse.
Reality: Asungot na kasabay sa bus na nagnakaw ng first kiss niya!

Darating pa kaya ang happily ever after niya, o oras na para gumising sa katotohanan na mas masarap ma-in love sa totoong buhay kaysa sa bedtime stories?