MISS GOODY TWO-SHOES AND THE REBEL (Published Under PHR)

"I don't care if ninety-nine percent of the university's population believes that you're not a good person. Basta ako, I choose to be the remaining one percent."

"Miss Goody Two-Shoes" ang bansag kay Queenie sa unibersidad dahil sa likas na matulungin. "Rebelde" naman ang kay Lyndon dahil sa samut-saring gulo na palagi nitong kinasasangkutan. Sa kabila ng malaking pagkakaiba, nang magtagpo ang kanilang mga landas ay pareho silang nagkaroon ng hindi maipaliwanag na interes sa isa't isa.
Nang dahil sa ilang insidenteng sadyang naglalapit sa kanila ay natuklasan ni Queenie na hindi masamang tao si Lyndon. Because despite his multiple piercings and tattoos and intimidating stare, Lyndon was kind and just. Si Queenie mismo ang nakasaksi sa mga pagkakataong magpapatunay sa mga iyon. Ang kailangan lang niyang gawin ay ipakita sa lahat ang mabuting side ng binata.
Ngunit kung magpapakatotoo siya sa sarili, may mas mabigat pang dahilan ang kagustuhan niyang ipagtanggol si Lyndon sa buong campus, pati sa daddy niyang mahigpit ang bilin na layuan niya ang binata. Dahil tinuruan siya ni Lyndon na magmahal at handa siyang ipaglaban ang pag-ibig dito.
Akala ni Queenie ay sapat na iyon para mapanatili ang binata sa kanyang tabi. Pero sa kasamaang-palad, nagkamali siya dahil mukhang siya naman pala ang hindi nito kayang ipaglaban...