A Promise Of Forever | PUBLISHED under PRECIOUS HEARTS ROMANCES

A Promise Of Forever (Published Under PHR)
By Chelary

Buo na ang pasya ni Mishi na magtrabaho sa South Korea para matulungan ang kanyang mga magulang. Habang wala pang employer abroad ay ipinagpatuloy niya ang trabaho sa Pilipinas. Nakilala niya si Erzon Luizaga, ang lalaking ubod ng yabang, antipatiko, at playboy na apo ng kanyang boss.

Hindi niya gusto si Erzon. Pero sa kabila ng pagtataboy niya sa lalaki ay lapit pa rin ito nang lapit sa kanya. He did just about anything to get her attention. Naisip pa nga ni Mishi na nababaliw na si Erzon nang makipag-pinky promise sa kanya na kaya nitong maghintay kung matuloy man siya sa abroad. Wala kasi sa hilatsa ng binata na kaya nitong magseryoso sa buhay at tuparin ang binitiwang pangako. Dahil malayong-malayo ang mundo niya sa mundong ginagalawan ni Erzon.

Akala ni Mishi ay tuloy-tuloy na ang masaya niyang buhay sa piling ni Erzon. Pero hindi pala. Dahil nang magkaroon siya ng employer sa South Korea, naging makitid ang isip ni Erzon. Bigla na lang ay iniwan siya.
Ano na ang nangyari sa pangako ni Erzon?