KUNG PAANO KO NARATING ANG LANGIT WANTAWSANTAYMS

PERSONAL na sanaysay ito- isang pagbabaliktanaw sa nakaraang apat na dekada.

Kapag nasa ganitong edad ka na pala, doon mo maiisip ang panghihinayang, ang maraming "sana pala" na hindi mo nagawa ang ilang bagay dahil sa takot at pangamba sa sasabihin ng iba.

Dahil dito, hahawakan mo ang iyong pluma o titipa ka sa iyong laptop at isasatitik ang mga "sana" na kahit pawang imahinasyon lang ay buong pusong yayakapin mo na parang totoo ang lahat at mababanggit mo sa iyong sarili na "Narating ko ang langit wantansamtayms."