جنة زهرة

جنة زهرة

البدايه

اسمى زهرة عندى ٢٢ حكايتى بدأت بعد وفاة أمى كنا عايشين فى الريف بابا كان رافض الجواز لانه كان بيحب أمى جدا و كمان رفض فكرة وجود زوجة الأب فى حياتى كنت بنت ١٠ سنين وقتها تعبت أوى و واحد صاحب بابا اقترح عليه يتجوز أخته ،، أخته كانت متجوزه قبل كده و جوزها طلقها علشان مش بتخلف فضل يقنعه انها شخصية كويسه و هتعاملنى كويس و أهل بابا أقنعوه علشان تكون معايا وقت غيابه فى البيت لانه كان بيسافر كتير ،، كنت صغيرة و مش فاهمه حاجه و فعلا اتجوزا فى الأول كانت بتعاملنى كويس فعلا لغاية اليوم اللى غير حياتى وقت م اكتشفنا انها حامل بدأت تتغير معايا و تزعقلى لغاية م ولدت خلاص بدأت مهمتى ورحلة عذابى كنت فى الاعدادي طلعتنى من المدرسه من غير بابا م يعرف و هددتنى لو قولتله هتعاقبنى و تضربنى و كانت بتضربنى فى عدم وجود بابا و بعد فترة رجعت اترجاها تسيبنى اكمل تعليمي رفضت وقتها بابا سمعنا و واجهها و ردت انها محتاجنى و لو رجعت المدرسه هتاخد أخويا و تختفى بابا خاف تاخده و استسلمت مش هقدر احقق أحلامى وبدأت تطلب فلوس كتير بحجة أن الطفل محتاج أدوية و هدوم بصراحه كنت أنا اللى محتاجه الهدوم خاصة فى الشتا و مكنتش بقدر اطلب بخاف مره حبستنى يومين لأنى بابا جابلى فستان مرت سنتين بقى عندى ١٥ سنه و أخويا عنده ٣ كان حن