Watching People's Feet II (teaser)

Ikalawang bahagi ng kuwento nina Psalm at Jonathan.
Book II Preview

"Bukas dito tayo kumain." aya ni Junel.
"Um," sumang-ayon si Julius, "maganda 'tong lugar na 'to," tumingin nanaman s'ya sa 'kin. "'di ba, Atan?" tanong n'ya.
'Di ako makasagot. Sa gilid ng aking mata, nakikita ko ang isang babae na nakahiga at unti-unting umaangat mula sa ilalim ng mga rose bushes.
Maputik ang mga damit nito at laslas ang kalahati ng mukha - sa may bibig, halos nakasabit nalang ang kanyang panga. Nang mga dalawang dangkal na ang taas nito sa lupa, tumigil ito sa pag lutang. Unti-unti itong bumangon paupo, at lumingon sa amin ni Psalm.

Nagbabalik ang dalawang bida na sina Psalm at Jonathan, pero sa pagkakataong ito, hindi na balak mag-tago ni Atan. Unti-unti na niyang nilalabas at tinutuklas ang kanyang kakayahang makakita ng mga multo. Ito ay para sa sarili niyang kapakanan, at para na rin kay Psalm na tinatrato na niyang higit pa sa isang kaibigan.
Ngunit mukhang lalo lang silang napahamak sa ginagawa nilang pagtuklas. Lalo na at unti-unti nang nabubunyag ang tunay na katauhan ni Psalm at ng mga nakapalibot dito.