The Proxy

"Proxy": sa Filipino-English
[ prok-see ]
Pangngalan

1. Isang taong itinalaga para kumilos at magpasiya para sa ibang tao.

In other words, kapalit, kahalili, o representative.

Hindi ko talaga inakala na ganito ang magiging papel ko pagkatapos bumaligtad ang kotseng sinasakyan namin. Hindi ko rin inakala na ako lang ang pinabalik sa mundo ng mga buhay habang mananatili naman sa purgatoryo ang tatlo kong kaibigan.

Ang resulta, ako ang magsisilbing "proxy" para sa mga kaibigan kong may "unfinished business" pa sa lupa.

Pero ano nga ba ang gagawin ko? Bakit ko kailangang humarap sa mga iniwang girlfriend ng mga kaibigan ko? At bakit may madaldal na anghel sa tabi ko?

Ako nga pala si Boogie. Ito ang kuwento ko bilang isang proxy.