Sa Dapit-hapon, Ikaw Ang Alaala

#1 in New Story category 🥰
[[Story Description]]
Magmula pagkabata, magkasangga na sina Leinara at Dustin. Parang magkapatid na laging magkasama-- sa eskuwelahan, sa laro, sa pangarap, sa lahat. Pero isang araw, biglang dumating si Ces sa buhay ni Dustin. At kapag nakikita ni Leinara ang kaibigan na nalalapit sa ibang babae ay may kakaibang kirot na unti-unting gumagapang sa puso niya. Noon lang niya narealize... hindi pala simpleng pagkakaibigan lang ang tingin niya kay Dustin.

No'ng gabing isinayaw siya ni Dustin sa ilalim ng buwan at bituin, lumabas ang matagal na niyang tinatago---ang damdamin para sa kaibigan niyang matagal nang nasa tabi niya. At laking tuwa ni Leinara na pareho sila ng nararamdaman ng matalik na kaibigan. Pagdating ng kolehiyo, dumating ang mga pagsubok. Minsan silang nagkalayo... at no'ng isang araw ay sosorpresahin niya ang matalik na kaibigan ay ibang kwento na ang sumalubong sa kanya---magka relasyon na si Dustin at Ces. Pinili niyang manahimik at lumayo. Hanggang sa tuluyan silang nagkahiwalay. Wala na silang komuniskasyon pagka'tapos at hindi na rin sila nagkita pa.

Hanggang sa paglipas ng ilang taon ay muling magtagpo ang kanilang mga landas sa isang ospital. Kasama ng pagbabalik ng alaala ay ang muling pagtibok ng mga pusong inakalang nanahimik na. Pero may isang lihim si Leinara-ikakasal na siya.

Akala niya, masaya si Dustin para sa kanya. Ngunit sa likod ng pilit na ngiti, may matagal na ring itinatagong pag-ibig... at ngayon, handa na siyang ipaglaban nito.