THE RETURN OF JUSTIN VALLE! Paano nga ba mabuhay sa katauhan ng isang taong wala na? Si Justin, isang kilalang tagapagmana ng isang malaking group of companies sa Pilipinas. Guwapo, malakas ang dating sa mga chicks, matalino at kilalang bachelor sa bansa. Halos lahat ng babae ay pinapangarap ang isang katulad niya. Pero isang trahedya ang biglang naganap, naaksidente siya sa New York na kumitil sa kanyang buhay. Si Celio, isang TNT sa Amerika, nagtatrabaho para sa nakakababatang kapatid niya at upang mabayaran ang malaking utang ng kanyang tiyahin na nagpalaki sa kanya. Hindi naging madali ang buhay ni Celio sa Amerika, tago ng tago, kayod ng kayod, ni hindi niya alam kung maaayos pa niya ang kanyang mga problema. Hanggang sa isang pagkakataon ang kanyang natagpuan upang masolusyunan ang problema niya… at ito ay ang magpanggap na si Justin. Sa kanyang pagpapanggap ay tatlong babae sa buhay ni Justin ang makikilala niya… Ang dati nitong kaklase na si Faye, Ang ex girlfriend nitong si Yda, At ang current girlfriend nitong si Sophia. Paano niya kaya haharapin ang buhay na nababalot ng pagpapanggap? Paano kaya niya haharapin ang mga taong naging bahagi ng buhay ni Justin?